ЎФА ҳакамлар бўлими бошлиғи Эркин Бахтиёров Суперлига баҳсларида ишлайдиган ҳакамлар учун ўқув-йиғин машғулоти ҳақида фикр билдирди.
- Ҳакамларнинг мавсумга тайёргарлик даражасини синовдан ўтказишга мўлжалланган анъанавий йиғинларимизга январ-феврал ойларида бутун республикадан 170 дан ошиқ арбитр ташриф буюриши режалаштирилган. Бу орқали феврал ойининг охирига бориб ҳакамларнинг мавсум давомида қайси мусобақада ишлашига ойдинлик киритилади.
Бугун 1-гуруҳ билан ўқув-машғулот йиғинини бошлаб юбордик. Эрталаб жисмоний тайёргарлик бўйича олинган норматив тестлардан 2 нафар рефери ўта олмади.
2022 йилда ВАР тизимининг қамровини кенгайтиришимиз керак. Илк йиғинлардан кўзланган асосий мақсад ҳам ВАР ҳакамлари сонини ошириш ва уларнинг ВАР-симуляторида кўпроқ машқ қилишларини таъминлаш.
Бугун старт олган йиғинда тожикистонлик, 24 январда бошланадиганида эса қирғизистонлик реферилар иштирок этишларини ҳам алоҳида таъкидлаш керак. Бу ТФФ ҳамда ҚФИ билан имзоланган ҳамкорлик меморандуми асосида ташкил қилиняпти.
