"Барселона" МЮ ва "Ньюкасл"га ҳужумчи Усмон Дембелени 20 миллион еврога сотиб олишни таклиф қилди, деб хабар беради "Diario Sport".
Манба берган хабарга кўра, Каталония клуби 24 ёшли франциялик футболчи билан шартномани узайтириш борасида келиша олмаган. "Барселона" ҳужумчи ёзда клубни текинга тарк этмаслиги учун қишки трансфер ойнасида уни сотиш ниятида.
Қайд этилишича, Дембеленинг ўзи ҳам Премьер-лигада ўйнашни хоҳлайди.
Дембеле жорий мавсум “Барселона” сафида 11 ўйинда майдонга тушиб, 1 та гол урди ва 2 та голли узатмани амалга оширди. Ҳужумчининг Каталония клуби билан шартномаси 2022 йилнинг 30 июнига қадар мўлжалланган. Трансфермаркт портали франциялик футболчининг нархини 30 миллион еврога баҳоламоқда.
