"Бёрнли" Англия чемпионати 17-туридан ўрин олган "Уотфорд"га қарши ўйинни бошқа муддатга қолдириш илтимоси билан Англия премер-лигаси раҳбариятига мурожаат қилди, деб хабар бермоқда клуб матбуот хизмати.
Клуб лигага жамоада коронавирусга чалинганлар сони ва футболчиларнинг жароҳатлари ҳақида маълум қилди.
Ушбу ўйин иккинчи марта қолдирилиши мумкин - дастлаб ўйин 15 декабрь куни бўлиб ўтиши керак эди, аммо "Уотфорд"да ковид авж олгани учун ўйин 18 январга кўчирилди.
Охирги 10 ўйин давомида барча турнирларда "Бёрнли" бор-йўғи бир марта ғалаба қозона олган, 5 марта рақибларидан мағлуб бўлган ва 4 марта дуранг ўйнаган.
