«Челси»нинг испаниялик сардори Сезар Аспиликуэта «Манчестер Сити»га қарши (0:1) АПЛ 22-тур учрашувидаги мағлубиятдан кейин «кўклар»нинг чемпионлик учун кураши ҳақида ўз фикрлари билан ўртоқлашди.

«Ушбу учрашув аввалгидан қийинроқ бўлди. Биз 10 очко ортда қолардик, орадаги фарқни 7 тага қисқартиришимиз мумкин эди, ҳозир эса биз 13 очко ортда қоляпмиз. Энди вазият янада қийинлашди.

Сешанба куни «Брайтон» билан қийин учрашувда ғалаба қозониш жуда муҳим. Тиғиз тақвимга қарамасдан биз тўхтамаймиз», - дейди Аспиликуэта.