Португалия терма жамоаси ва «Манчестер Юнайтед» ҳужумчиси Криштиану Роналду ФИФАдан олган махсус соврини ҳақида фикр билдирди.
Эслатиб ўтамиз, ўтган йили Роналду Али Даеининг рекордини янгилаб, терма жамоалар тарихидаги энг яхши тўпурарга айланган эди.
«Мен ФИФАга катта ҳурмат билан қарайман ва бу ташкилотдан махсус мукофот олганимдан хурсандман.
Оиламга алоҳида раҳмат айтмоқчиман. Тез орада яна ота бўламан. Миллий терма жамоа тарихидаги энг яхши тўпурар бўлиш ажойиб.
Менда ҳали ҳам ўйинларга юқори иштиёқ бор ва гол уришни яхши кўраман. Мен алоҳида ғайрат билан машқ қиламан.
37 ёшдаман, лекин ўзимни жуда яхши ҳис қиляпман. Мен яна кўпроқ ўйнашга тайёрман. Яна 4-5 йил майдонда бўлишни кутяпман.
Танамга яхши ғамхўрлик қиламан. Ўз ўрнида эртами-кечми у ҳам сизга шундай муносабат билан раҳмат айтади», - дейди Роналду.
