Туриннинг “Ювентус” клуби ҳимоячиси Леонардо Бонуччи 2022 йилдаги асосий мақсади Чемпионлар лигасида ғалаба қозониш эканлигини айтди. Шунингдек, Турин клуби билан А сериянинг кучли 4 ликка киришни исташини ҳам қўшимча қилди.
“2022 йил учун мақсадлар? Чемпионлар лигасида ғалаба қозониш ва А серияда кучли тўртликка кириш. Айтишга ҳожат йўқ, 2021 йил ажойиб йил бўлди. Буни рақамлар гапиради”, - деди Бонуччи.
Бонуччи жорий мавсумда “Ювентус” сафида А серияда 15 та ўйинда майдонга тушиб, 3 та гол урди ва 1 та голли узатмани амалга оширди. Эслатиб ўтамиз, футболчи 2021 йилда Италия терма жамоаси таркибида Европа чемпиони бўлганди.
