Украинанинг “ТаТоТаке”лойиҳаси раҳбари Сергей Болотниковнинг айтишича, Киевнинг “Динамо” жамоаси “Женоа”нинг собиқ бош мураббийи Андрей Шевченкони таклиф этиш вариантини кўриб чиқмоқда.
“Менинг маълумотларимга кўра, бу реал ҳолат ҳисобланади. “Женоа”дан олдин ҳам бу вариант кўриб чиқилган эди..
Унинг карьерасида бироз ортга қайтиш бўлган бўлса ҳам, принципиал жиҳатдан бу Андрей учун яхши вариант”, деди Болотников.
Шевченко 15 январь куни “Женоа” бош мураббийлигидан озод этилган эди. Унинг қўл остида Италия клуби 11 учрашувда 1 та ғалабага эришди.
Ҳозирда Киевнинг “Динамо” клуби бош мураббийи Мирча Луческу ҳисобланади.
