Ukrainaning “TaToTake”loyihasi rahbari Sergey Bolotnikovning aytishicha, Kiyevning “Dinamo” jamoasi “Jenoa”ning sobiq bosh murabbiyi Andrey Shevchenkoni taklif etish variantini ko‘rib chiqmoqda.
“Mening ma’lumotlarimga ko‘ra, bu real holat hisoblanadi. “Jenoa”dan oldin ham bu variant ko‘rib chiqilgan edi..
Uning karyerasida biroz ortga qaytish bo‘lgan bo‘lsa ham, prinsipial jihatdan bu Andrey uchun yaxshi variant”, dedi Bolotnikov.
Shevchenko 15 yanvar kuni “Jenoa” bosh murabbiyligidan ozod etilgan edi. Uning qo‘l ostida Italiya klubi 11 uchrashuvda 1 ta g‘alabaga erishdi.
Hozirda Kiyevning “Dinamo” klubi bosh murabbiyi Mircha Luchesku hisoblanadi.
