"Жузеппе Меацца" стадионида бўлиб ўтган ва кўпчилик томонидан чорак финалдаги финал мақоми тақдим этилган россонерилар ва блауграналар учрашувида ҳисоб очилмади.
Массимилиано Аллегри шогирдлари "Барселона" ўйинчилари томонидан жарима майдони остонасида "қуриладиган" бир тепар усулдаги "деворча"ларни "пойдевори" ўрнатилмасиданоқ яксон қилишнинг уддасидан чиқишди. Тан бериш керак, бу ўйинда "Барселона" ўзининг "фирменний" усулини бирор марта эплаб ишга сола олмади.
Милан эса бутун ўйин давомида рақиб ҳужумини тартибли, ўрни келганда – тартибсиз бузиб, жуда узун пас орқали Иброҳимвични Валдес билан пешвоз чиқаришга ҳаракат қилиб туришди. Кўпинча бундай вазиятларда Златан ўйиндан ташқари ҳолатларда қолиб кетди.
Хуллас, ўйинда ҳисоб очилмади. Бундай плей-офф ўйинларининг биринчисида қайд қилинадиган 0:0 ҳисоби кўпроқ мезбонларнинг фойдасига ишлаши сир эмас. Чунки "Камп Ноу"да Милан томонидан урилган ҳар бир голдан сўнг "Барса" улардан битта ортиқ уришга маҳкум қилинаверади. "Барса"нинг эса ўз уйида гол киритиши ҳеч нарсани ўзгартирмаслиги мумкин – "Милан" одатда гол ура оладиган жамоалар сирасига киритилади.
Чорак финалнинг иккинчи ўйинида эса Гомес Арьер Роббенинг асситентлигида ушбу турнирдаги 11-голини киритди. Роббен иккинчи бўлимда ўзи ҳам гол киритиб, ярим финаллардан бирида "Реал-"Бавария" жуфтлиги ҳосил бўлиши учун катта "ҳисса" қўшди.
МИЛАН (Италия) – БАРСЕЛОНА (Испания) 0:0
МИЛАН: Аббьяти, Бонера, Неста (Месба, 74), Мексес, Антонини, К. Боатенг (Эмануэлсон, 67), Ночерино, Амброзини, Зеедорф, Робиньо (аш-Шааравий, 52), Иброҳимович.
БАРСЕЛОНА: Вальдес, Дани Алвес, Пике, Пуйоль, С. Кейта, Хави, Бускетс, Маскерано, Иньеста (Тельо, 65), Санчес (Педро, 76), Месси.
Огоҳлантиришлар: Зеедорф (23), Неста (57), С. Кейта (61), Амброзини (70).
Бош ҳакам: Йонас Эрикссон (Швеция)
28 март. Милан. «Жузеппе Меацца (Сан-Сиро)», 80.000 томошабин
МАРСЕЛЬ (Франция) – БАВАРИЯ (Германия) 0:2 (0:1)
Голлар: Гомес (44), Роббен (69).
МАРСЕЛЬ: Андраде, Фанни, Аспиликуэта, Нкулу, Морель, Амальфитано (Брандао, 68), А. Диарра (Шейру, 71), Вальбуэна, Мбиа, А. Айю, Реми.
БАВАРИЯ: Нойер, Ж.Боатенг, Л. Густаво, Бадштубер, Лам, Рибери (Праньич, 78), Алаба, Кроос (Тимошчук, 63), Мюллер (Швайнштайгер, 70), Роббен, Гомес.
Огоҳлантиришлар: Кроос (32), Лам (32), А. Диарра (34), Л. Густаво (36), Мбиа (64), Швайнштайгер (82), Алаба (89).
Бош ҳакам: Карлос Веласко Карбальо (Испания)
28 март. Марсель. «Велодром», 30.000 томошабин
