Дортмунднинг “Боруссия” клуби бошқаруви раиси Ханс-Йоахим Ватцке ҳужумчи Эрлинг Холанднинг клубдаги келажаги борасида босим остида эканлиги ҳақидаги сўзларига яна ўз муносабатини билдирди.
“Боруссия Дортмунд” Эрлингга ультиматум қўяди дейиш мутлақо бемаънилик. Унинг келажаги ҳақида қарор қабул қилиш учун ҳеч қандай муддат йўқ”, деди Ватцке “ARD” нашрига.
Функционер шунингдек, агар Холанд кетса, Роберт Левандовскининг “Бавария”га ўтиши каби “Боруссия” унга ҳам ўринбосар излашини таъкидлади.
21 ёшли Холанд Германия Бундеслигасининг жорий мавсумида 13 ўйинда 15 та гол урди ва 5 та голли узатмани амалга оширди. Норвегиялик ҳужумчининг шартномаси 2024 йилда тугайди, Трансфермаркт ҳужумчини 150 миллион еврога баҳоламоқда.
