Ўзбекистон олимпия терма жамоаси ҳимоячиси Ислом Тўхтахўжаев ОФК расмий сайтига берган интервьюсида Лондон-2012 саралашининг плей-офф босқичида ғолибликни қўлга киритиш ўз қўлимизда эканини таъкидлаб ўтди. Плей-офф ғолиби эса 23 апрель куни Англиянинг Ковентри шаҳрида Сенегал билан куч синашади. Бугунги ўйин олдидан Ўзбекистон рақибига нисбатан устунликка эга бўлиб турибди.

“Биз фақат ғалаба ҳақида ўйлаяпмиз, дурангни хаёлимизга ҳам келтираётганимиз йўқ”, дейди 22 ёшли футболчи.

“Биз яхшироқ ҳолатда эканимизни ва Уммонга ғалаба кераклиги учун улар ҳужум қилишга мажбур эканини биламиз. Бу эса гол уришимиз учун қўшимча имконият яратади”.

“Биз Уммонга қарши икки марта ўйнаганмиз. Ҳар иккала ўйинда ҳам ҳам ўйнаганмиз, айниқса, биринчи ўйинда. Уларни биздан кучлидеб ўйламайман, лекин Уммон футболчиларининг техникаси кучли”, дейди ҳимоячимиз.

“Уммон олимпия терма жамоаси бош мураббийи Пол Ле Гуэннинг ўйинда бизни фаворит деб ҳисоблаш ҳақидаги қўшилмайман. Ҳар иккала жамоада имконият тенг. Уммонликларда ҳам, бизнинг сафимизда ҳам бир неча нафар миллий терма жамоада ўйнайдиган футболчилар бор”, дея таъкидлайди Ислом.

Сурия билан ўйинда ўтказиб юборилган голга изҳо бераркан, Тўхтахўжаевни қуйидагиларни таъкидлади: “Гол ўтказворганимизга 2та сабаб бор. Биринчидан, биз яхши концентрация қила олмадик. Иккинчидан, ўша вазиятда омад улар томонда бўлмади. Бизнинг голларимиз эса қандайдир тактика ва ҳужумлар оқибатида киритилмайди. Бу вазиятларда эса омад биз томонда бўлди”.

Омад… балки…. Лекин Ўзбекистон Осиё/Африка плей-оффида ўйнашни истаса, Тўхтахўжаева ва унинг ҳимоядаги шериклари бугун хушёрлик билан ўйнашлари лозим.