«Фиорентина»да ижара асосида ўйнаётган испаниялик ҳимоячи Алваро Одриосола мавсум сўнгида «қироллик клуби»га қайтиши мумкин, деб хабар беради итальян матбуоти.
Манбага кўра, Мадриднинг «Реал» клуби Одриосолани кейинги мавсумда жамоага қайтариш масаласини кўриб чиқмоқда, аммо сўнгги қадар ёзда қарор қабул қилинади.
Қайд этилишича, «қаймоқранглилар» бош мураббийи Карло Анчелотти футболчининг ҳаракатларини диққат билан кузатиб бормоқда.
Маълумот учун, испаниялик футболчи жорий мавсумда «Фиорентина» сафида А Сериянинг 17 та ўйинида майдонга тушиб, 1 та гол ва 1 та голли узатмани амалга оширди.