“Ливерпуль” ҳужумчиси Роберто Фирмино ёзги трансфер ойнасида жамоани тарк этиши мумкин. Қайд этилишича, инглиз клуби раҳбарлари бразилиялик футболчига кейинги трансфер ойнасида фаолиятини бошқа жамоада давом эттиришига рухсат беради. Бу ҳақда “Sky Deutschland” нашри хабар бермоқда.
30 ёшли Фирмино 2015 йилнинг ёзида “Хоффенхайм”дан 41 миллион евро эвазига “Ливерпуль”га келиб қўшилган эди. Ҳужумчи жорий мавсумда АПЛнинг 11та ўйинида майдонга тушиб, 4та гол урди ва 2та голли узатмани амалга оширди.
Фирминонинг шартномаси 2023 йилда якунига етади. Трансфермаркт бразилиялик футболчини 38 миллион еврога баҳоламоқда.
