“Liverpul” hujumchisi Roberto Firmino yozgi transfer oynasida jamoani tark etishi mumkin. Qayd etilishicha, ingliz klubi rahbarlari braziliyalik futbolchiga keyingi transfer oynasida faoliyatini boshqa jamoada davom ettirishiga ruxsat beradi. Bu haqda “Sky Deutschland” nashri xabar bermoqda.
30 yoshli Firmino 2015 yilning yozida “Xoffenxaym”dan 41 million yevro evaziga “Liverpul”ga kelib qo‘shilgan edi. Hujumchi joriy mavsumda APLning 11ta o‘yinida maydonga tushib, 4ta gol urdi va 2ta golli uzatmani amalga oshirdi.
Firminoning shartnomasi 2023 yilda yakuniga yetadi. Transfermarkt braziliyalik futbolchini 38 million yevroga baholamoqda.
