“Рома” ҳужумчиси Элдор Шомуродов Италия кубоги 1/8 финали доирасидаги “Лечче”га қарши ўйинда (3:1) гол урди.

Ўзбекистон терма жамоаси футболчиси ўзининг Италия клублари сафидаги 12 та голидан 10 тасини (83 фоиз) иккинчи бўлимда урган (“Женоа” ва “Рома”).

Эслатиб ўтамиз, ўтган мавсум бошида Италия чемпионатига кўчиб ўтган ҳамюртимиз, “Женоа” сафида 32 учрашувда 8 марта рақиблар дарвозабонини хафа қилишни уддалаган (2 та асист). “Рома” таркибида эса 26 ўйинда майдонга тушиб, 4 та гол ва 5 та асистни ўз ҳисобига ёздириб қўйган.