“Зенит” футболчиси Сердар Азмуннинг хизматларини “Милан”га таклиф қилишди, деб ёзади журналист Никола Скира ўзининг твиттердаги саҳифасида.

Бироқ эронлик ҳужумчи Милан клубининг трансфер мақсади эмаслиги айтилмоқда.

Олдинроқ Азмунга “Ювентус”дан қизиқиш борлиги ҳақида хабарлар тарқалган эди. Бироқ клублар ҳужумчининг нархи борасида муросага келиша олишмаяпти. Айни пайтда музокаралар тўхтатилган.

Жорий мавсумда эронлик футболчи барча мусобақаларда 21 та учрашувда 10 та гол урди ва 4 та голли узатмани амалга оширди. Азмуннинг Россия клуби билан шартномаси мавсум охирида якунига етади. Трансфермаркт футболчининг бозор қийматини 25 миллион еврога баҳоламоқда.