“Zenit” futbolchisi Serdar Azmunning xizmatlarini “Milan”ga taklif qilishdi, deb yozadi jurnalist Nikola Skira o‘zining tvitterdagi sahifasida.

Biroq eronlik hujumchi Milan klubining transfer maqsadi emasligi aytilmoqda.

Oldinroq Azmunga “Yuventus”dan qiziqish borligi haqida xabarlar tarqalgan edi. Biroq klublar hujumchining narxi borasida murosaga kelisha olishmayapti. Ayni paytda muzokaralar to‘xtatilgan.

Joriy mavsumda eronlik futbolchi barcha musobaqalarda 21 ta uchrashuvda 10 ta gol urdi va 4 ta golli uzatmani amalga oshirdi. Azmunning Rossiya klubi bilan shartnomasi mavsum oxirida yakuniga yetadi. Transfermarkt futbolchining bozor qiymatini 25 million yevroga baholamoqda.