“Рома” яримҳимоячиси Амаду Диавара жорий трансфер ойнасида Италия чемпионатини Испания Ла Лигасига алмаштириши мумкин. Бу ҳақида инсайдер Николо Скира хабар бермоқда.
Журналистнинг сўзларига кўра, “бўрилар” бош мураббийи Жозе Моуриньо билан зиддиятга учраган 24 ёшли африкалик футболчини “Валенсия” ўз сафига қўшиб олмоқчи. Диавара мураббийнинг қарори билан Римнинг асосий жамоасидан четлатилган.
Трансфермаркт маълумотларига кўра, Амадунинг нархи 10 миллион евро баҳоланган. Унинг Рим клуби билан амалдаги шартномаси 2024 йилнинг ўрталарига қадар тузилган.
