"Манчестер Юнайтед" бош мураббийи Ральф Рангник ярим ҳимоячи Жесси Лингард "Ньюкасл"га ўтиши ҳақидаги миш-мишларга изоҳ берди. Немиснинг сўзларига кўра, у трансфер масалаларига алоқадор эмас, шунинг учун бу саволга раҳбарият билан ойдинлик киритиш керак.
"У ҳақиқатан ҳам яхши футболчи. Унга "Ньюкасл" қизиқиш билдириши нормаль ҳолат, лекин мен трансфер ишлари билан шуғулланмайман. Савол шундаки, Жесси кетишни хоҳлайдими? Агар у кетишга қарор қилса, хафа бўлмайман", - дейди Рангник.
Лингард ўтган мавсумнинг иккинчи ярмини Лондоннинг “Вест Хем” клубида ижара асосида ўтказди. "Ньюкасл" футболчига 2021 йилнинг ёзидан бери қизиқиб келмоқда.
