"Зенит" февраль ойи бошида "Интернасионал" ҳужумчиси Юрий Альберто билан шартнома имзолаши мумкин, деб хабар бермоқда Матч ТВ бразилиялик манбаларга таяниб.
Ҳозир музокаралар якуний босқичда ва шартнома муддати келишилмоқда. Хабарларга кўра, томонлар 3 йиллик шартномага имзо чекади.
2020/21 йилги мавсумда футболчи клуб сафида 55 та ўйин ўтказиб, 19 та гол урди ва 4 та голли узатмани амалга оширди.
Transfermarkt.ru портали хабарига кўра, 20 ёшли бразилиялик футболчининг нархи 12 миллион еврога баҳоланмоқда.
