"Bild" хабарига кўра, "Барселона" ҳужумчи Усмон Дембеле учун Дортмунднинг "Боруссия"сига қўшимча товон пули тўлаши керак.
Агар ушбу трансфер ойнасида вингер Каталония клубини тарк этса, немислар яна 5 миллион евро олишади.
Шу тариқа, Дембеле трансфери учун тўловларнинг умумий суммаси 148 миллион еврога етиши мумкин.
20 январь куни "Барселона" спорт директори Матеу Алемани клуб Дембелени январь ойи охиригача сотиш ниятида эканлигини айтди, чунки 24 ёшли франциялик футболчи жорий йилнинг июнь ойи охиригача амал қиладиган шартномасини узайтирмоқчи эмас.
