"Наполи" "Хетафе" ҳимоячиси Матиас Оливерани қўлга киритишга яқин турибди.
Хабарларга кўра, неаполликлар 24 ёшли уругвайлик футболчини 10 миллион еврога мажбурий сотиб олиш шарти билан мавсум охиригача ижарага олмоқчи. Испания клуби бу таклифга жавоб бериш борасида ҳали бир қарорга келмаган, бироқ агар ҳозир келиша олмаса, ёзда келишув муҳокамасига қайтишга тайёр.
2021/22 йилги мавсумда Оливера “Хетафе” сафида 18 та ўйинда майдонга тушиб, 1 та гол ва 1 та голли узатмани амалга оширган. Transfermarkt.com портали футболчининг нархини 12 миллион еврога баҳоламоқда.
