Киевнинг "Динамо" жамоаси собиқ футболчиси Александр Головко чемпионлар лигаси чорак финали дастлабки ўйинлари борасида "Сегодня" нашрига  фикр билдирди.

"Дастлабки ўйинларда мезбонларнинг гол ура олмагани меҳмонларнинг осонликча ярим финалга йўл олишини кафолатламайди. Жавоб учрашувлари мезбонлар учун ҳам, "Реал"дан ташқари, ҳал қилувчи аҳамиятга эга.

Бу ўйинларга қараб ким фаворит эканлигини айтиш қийин. Бу босқичдафақатгина "Реал" кўзга ташланиб турибди. Ушбу чорак финал ўйинларида ҳеч қандай янгилик кўрмадик.

Мен "Милан" ёки бошқа жамоа "Барселона"нинг калитини топадилар, демоқчимасман, лекин "Барса" ўзининг энг юқори чўққисидан ўтди ва ҳозирги савиясини маълум муддат ушлаб туришлари мумкин. Лекин вақт ўтган сари улар шу ғайратларини ушлаб туришга қийнала бошлайдилар. Одам темирмас-ку?

Ҳа "Милан"да италиялик футболчилар кам бўлишига қарамасдан, улар "Барселона"га асл италян каттеначчосини кўрсатишди."