"Челси" бош мураббийи Томас Тухель Англия премьер-лигасининг 23-туридан ўрин олган "Тоттенхэм"га қарши ўйиндан умидлари билан ўртоқлашди.
"Охирги ўйинлардаги натижалар яхши бўлди ва биз бу ўйинда шундай бўлиши учун ҳамма нарсани қилишимиз керак. Биз улар билан қисқа вақт ичида учинчи марта ўйнаймиз ва бу одатий ҳолат эмас, шунинг учун менимча, улар биз нима қилаётганимизни кўпроқ билишади ва биз улар нима қилаётганини биламиз.
"Тоттенхэм" олдинги ўйинининг сўнгги дақиқаларида ғалаба қозонди ва биз Лига кубоги ўйинида уларни мағлуб этдик. Бу учрашув давомида бизга ишонч бағишлайди. Бу афзаллик ёки фалсафа масаласи эмас", - дея Тухелнинг сўзларини келтиради Челси матбуот хизмати.