"Аталанта" ярим ҳимоячиси Алексей Миранчукнинг агенти Вадим Шпинев СЕ мухбири билан суҳбатда футболчининг жароҳати билан боғлиқ вазият ҳақида гапирди.

Аввалроқ, 22-январь куни 26 ёшли россиялик футболчи А Серия доирасидаги “Лацио”га (0:0) қарши ўйиннинг 70-дақиқасида сонининг орқа қисми шикастлангани учун майдонни тарк этганди.

“Ҳамма унинг оғриётганини кўрди. Соннинг орқа қисми нафақат визуал ёки сезгир тарзда ташхис қилинади. Текширув керак. Бир неча кундан кейин "Аталанта" ташхис аниқ бўлгач, баёнот беради. Лешанинг ўзи ҳозир жароҳати ҳақида ҳеч нарса дея олмайди. Экспертиза ҳамма нарсани кўрсатади" , деди Спинев.

Миранчук жорий мавсумда "Аталанта" сафида 16 та ўйинда майдонга тушиб, 1 та гол ва 2 та голли узатмани амалга оширди.