Лондоннинг "Челси" клуби собиқ футболчиси Флоран Малуданинг фикрича, "кўклар" янги харидларни амалга оширмаслиги керак.
Аввалроқ, "Челси" устози Томас Тухель жароҳатлар сабабли, таркибга янги футболчиларни қўшиб олиш кераклиги ҳақида гапирганди.
"Ўйлайманки, трансфер бозорида "Челси" эҳтиёж сезаётган футболчилар кўп эмас. Юқори савиядаги футболчиларнинг барчаси банд, "Челси" эса фақат совринлар учун курашишда ёрдам берадиган ва таркибдаги ўрин учун рақобатни оширадиган футболчиларга эътибор қаратиши керак.
"Челси" таркибидаги соғлом футболчилар ҳақида гапирадиган бўлсак, менимча, ўша футболчилар билан ҳам ўз олдига қўйилган мақсад сари бориш мумкин, чунки, таркибда сифатли футболчилар кўп.
Улар Лукакудек футболчини ўз сафига қўшиб олишди. Бундан ташқари, ҳозир бир қатор футболчилар Африка Кубоги мусобақасида иштирок этмоқда. Улар сафга қайтса яна таркибда соғлом рақобат юзага келади", — деди Малуда William Hill билан суҳбатда.