“Црвена Звезда” ҳужумчиси Марко Лазетич тез орада “Милан” билан шартнома имзолайди. Томонлар келишув шартларини келишиб олдилар. Бу ҳақда журналист Фабрицио Романо Твиттерда хабар берди.
Қайд этилишича, итальян клуби 18 ёшли футболчи учун 5 миллион евро тўлайди, шунингдек, келажакдаги сотувнинг бир фоизини ҳам келишувга киритади. Аввалроқ, Лазетичга Россиянинг "Зенит" клуби қизиқиш билдираётгани, "Милан" таклифини такрорлашга тайёрлиги малум бўлганди. Бироқ футболчининг жамоаси италияликлар билан вариантни танлашга қарор қилди.
Лазетич жорий мавсумда барча мусобақаларда 21 та ўйинда майдонга тушиб, 7 та гол урди. Ҳужумчининг “Црвена Звезда” билан шартномаси 2024 йилда якунига етади.
