«Ливерпуль» "Манчестер Сити"нинг қоқилишидан унумли фойдаланди
Англия Премьер-Лигаси 23-турида «Ливерпуль» сафарда "Кристал Пелас" меҳмони бўлди ва "Манчестер Сити"нинг «Саутгемптон»да очко йўқотишидан унумли фойдаланишга муваффақ бўлди.
Юрген Клопп жамоаси ўйинни тезкорлик билан бошлади ва 32-дақиқага келиб икки тўп фарқи билан олдинга чиқиб олди.
Голларнинг иккаласига ҳам Эндрю Робертсон ҳаммуаллифлик қилди. Дастлаб Виржил ван Дейк бурчакдан узатмани голга айлантирган бўлса, кейинчалик Алекс-Окслейд Чемберлейн тўп узатмасини ўзига бўйсундирган ҳолда дарвозани ишғол қилди.
«Пелас»да жавоб қайтариш учун тўртта имкониятга эга бўлди, аммо Алиссон Майкл Олисе ва Одсонн Эдуарнинг зарбаларини қайтариб қолди. Конор Галлахернин бош билан берган зарбаси дарвозаси ёнидан ўтиб кетган бўлса, Матета қанчалик ноаниқ зарба берганига гувоҳ бўлди.
Уларнинг босими 55-дақиқада ўз сўзини айтди. Жефри Шлюппнинг ҳимоядан тезда тўпни Матетага узатмаси ва Матета ҳам ўз сай-ҳаракатлари эвазига Эдуарни бўш қолган дарвозага гол уриши учун имконият яратиб берганини таъкидлаш керак.
Аммо, лондонликлар олдинги имкониятлардан фойдалана олишмагани учун афсусланишга мажбур бўлишди. 89-дақиқада Висенте Гуаитанинг Диогу Жотага қўполлиги натижасида юзага келган пенальтидан Фабиньо унумли фойдаланди ва мерсисайдликларнинг ғалабасини таъминлаб берувчи голга муаллиф бўлди.
Мазкур баҳсда Алиссон Беккер учрашувнинг энг яхши футболчиси деб топилди.
Англия чемпионати, 23-тур
"Селхурст Парк", Лондон. 23.01.2022
"Кристал Пэлас" — "Ливерпуль" 1:3
Голлар: 0:1 – 8 ван Дейк, 0:2 – 32 Окслейд-Чемберлен, 1:2 – 55 Эдуар, 1:3 – 89, пенальти Фабиньо.
Кристал Пэлас – Гуаита, Уорд, Андерсен, Гехи, Митчелл, Шлупп, Хьюз (Айю, 77), Галлахер, Олисе, Эдуар (Эзе, 68), Матета (Бентеке, 77).
Ливерпуль – Алиссон, Александер-Арнолд (Гомес, 90), Матип, ван Дейк, Робертсон, Хендерсон, Фабиньо, Джонс, Окслейд-Чемберлен (Минамино, 60), Фирмино (Милнер, 90), Диогу Жота.
Огоҳлантиришлар: Галлахер (49), Хьюз (61), Фирмино (81), Шлупп (82), Уорд (90).
Ушбу ғалабадан кейин «Ливерпуль» 48 очко топлаган ҳолда "Манчестер Сити"га анча яқинлашиб олди. Уларни 9 очко ажратиб турибди. Бундан ташқари, «қизиллар» захирасида яна битта ўйин мавжуд. "Кристал Пелас" эса 24 очко жамғарган ҳолда 13-ўринни банд этиб турибди.
Кейинги учрашувлар
"Кристал Пелас" кейинги ўйинини 9 февраль куни сафарда ўтказади. Рақиб 17-ўринда бораётган «Норвич» жамоаси бўлади. Бир кун ўтиб, яъни 10 февраль санасида «Ливерпуль» «Энфилд»да «Лестер» клубини қабул қилади.
Кристал Пелас: 9 февраль, «Норвич» (сафарда)
Ливерпуль: 10 февраль, «Лестер» (уйда)
Баҳс расмийлари
Мазкур ўйинни Кевин Френд бошчилигидаги ҳакамлар жамоаси бошқариб боришди. Учрашувни 25,002 нафар томошабин бевосита стадиондан кузатиб борди.
Бош ҳакам: Кевин Френд
Қанот ҳакамлари: Адриан Холмс, Саймон Бек
Захира ҳаками: Андре Марринер
ВАР: Крейг Поусон
ВАР ёрдамчиси: Саймн Лонг.
Учрашув статистикаси билан танишиб олинг.
Тўп назорати: 43.4-56.6
Дарвоза томон аниқ зарба: 5-7
Зарбалар: 8-14
Тўпга тегиниш: 611-747
Узатмалар: 431-576
Тўп учун кураш: 13-7
Зарарсизлантириш (тозалаш): 25-11
Бурчак тўплари: 2-5
Оффсайдлар: 5-2
Сариқ карточкалар: 4-1
Қоида бузишлар: 12-10
