"Барселона" қишда ҳужумчи Люк де Йонг билан хайрлашмасликка қарор қилди, дея хабар беради "Cadena SER".
Манбанинг хабарига кўра, каталонияликлар 31 ёшли футболчини қишки трансфер ойнасида бошқа жамоага қўйиб юбормоқчи эмас. Катта эҳтимол билан футболчи 2022 йилнинг ёзида жамоани тарк этади. Нидерландиялик футболчининг трансфер ҳуқуқлари "Севилья"га тегишли.
Олдинроқ “Барса” ҳужумчини “Кадис”га жўнатмоқчи бўлгани, бироқ сўнгги дақиқада фикрини ўзгартиргани ҳақида хабар берилганди.
Де Йонг жорий мавсумда “Барселона” сафида барча турнирларда 16 та ўйинда майдонга тушди ва 4 та гол урди.
