Италиянинг "Наполи" клуби бош мураббийи Вальтер Маццари Италия «А» сериясининг навбатдаги турида "Ювентус"га қарши баҳс олдидан ўз фикрлари билан ўртоқлашди.

"Биз исталган рақиб билан бир хил савияда ўйнай оладиган даражага чиқдик. Эндиликда, кўпгина рақиблар бизнинг жамоага хурмат кўзи билан қарамоқдалар. Бу эса бизни қувонтиради.

"Наполи" ўзининг энг яхши ўйинини кўрсата олса, исталган рақибни мағлуб эта олиши мумкин. Ҳаттоки "Ювентус" ни ҳам. Туриндаги ўйинда футболчилар майдонда бор кучлари билан ҳаракат қилишади. Клуб шаъни ва мухлислари учун ўйин сўнггигача кўришамиз", - дейди "Наполи" устози Football Italia нашрига берган интервьюси чоғида.