"Манчестер Юнайтед" ярим ҳимоячиси Жесси Лингард ушбу трансфер ойнасида Франция чемпионатига ўтиши мумкин эди.
"L'Equipe" хабарига кўра, "Ницца" 29 ёшли англиялик футболчи учун музокаралар олиб бораётган эди, бироқ трансфер амалга ошмайди, чунки инглиз клуби сўраган маблағ "бургутлар" учун ноқулай бўлиб чиқди.
"Манчестер Юнайтед" Лингард учун 2,5 миллион евро сўрамоқда, футболчининг маоши эса йилига 5 миллион евро. Лингарднинг "Манчестер Юнайтед" билан шартномаси 2022 йилнинг ёзига қадар амал қилади. Мавсум охирида у эркин агентга айланади.
Лингард жорий мавсумда 14 та ўйинда майдонга тушиб, 2 та гол урди ва 1 та голли узатмани амалга оширди.
