Лондонда бўлиб ўтадиган олимпиада ўйинларида КОНКАКАФ минтақасидан Мексика ва Гондурас олимпия терма жамоалари иштирок этадиган бўлди.
Кеча бўлиб ўтган саралаш ўйинларининг ярим финалида Мексика Канадани мағлубиятга учратди (3:1). Саралаш мусобақаси мезбони — АҚШни гуруҳда қолдириб кетган Эл Салвадор олимпиячилари эса Гондурас билан муросасиз жанг олиб боиршди. Ўйиннинг асосий вақти дуранг (1:1) билан якунланган бўлса, қўшимча бўлимда гондурасликлар омадли чиқишди ва якунда 3:2 ҳисобида ғалаба қозонишди.
Демак, олимпиадада иштирок этадиган 15та терма жамоанинг номи маълум бўлди. Фақат Сенегал/Уммон ғолибини аниқлаш қолди холос.