Милан клубларининг асосий стадионида жуда катта муаммолар мавжуд ва таъмирга муҳтож. Шу сабабли, Милан дербиси олдидан (6 февраль куни бу ерда «Милан» ва «Интер» ўзаро ўйнайди) учрашув санаси зудлик билан ўзгартирилди.
Жамоалар стадионни бу ўйин учун мос эмаслигини тасдиқлашди. Майдон мураббий ва футболчилар томонидан қаттиқ танқид қилинди. Масалан, «Интер» бош мураббийи Симоне Инзаги «Венеция» билан ўйиндан сўнг: «Сан-Сиро майсазори ўйнаш учун яроқсиз. Бу «Интер» ва «Милан» баҳси олдидан катта муаммоларга сабаб бўлади. Ростини айтсам, майдон шунчаки даҳшатли тарзда ёмон аҳволда.
Бу борада бирор нарса қилиниши керак, бу ҳеч қачон бунчалик ёмон аҳволда бўлмаган. Умумий ҳолат фалокатли кўриниш олган. Биз майсазорнинг яхшироқ бўлишидан умид қилгандик, лекин тўп шунчаки жойида тўхтаб қоляпти”, - бу ўша ўйиндан сўнг Эдин Жеконинг маҳаллий матбуотга айтиб ўтган фикрлари. Лекин олдин ҳам бу борада танқидлар етарлича бўлган, хусусан, меҳмон жамоалар томонидан ҳам.
«Милан» яхшироқ майдонга лойиқ эканини барчамиз тушунамиз, - дейди Юрген Клопп «Сан-Сиро»даги ўйиндан кейин. Ва Стефано Пиоли билан суҳбатда у майсазорнинг ҳолати ҳақида гапирди. «Ҳозирда майдон ўйин учун мос эмас», - дея тасдиқлайди германиялик мутахассис.
Бундай муаммолар аслида қаердан келиб чиқиши мумкин?
Сан-Сиро агрономи Жованни Кастелли La Gazette dello Sport нашрига берган интервьюсида мухлисларга ҳаммасини тушунтириб берди. 2013 йилдан бери Сан-Сиро замонавий гибрид майсадан фойдаланиб келмоқда: сунъий аралашмадан иборат сўнгги компонементлар ўз муддатида алмаштириб борилади.
«Сан-Сиро»да жорий мавсум ҳисобидан еттита ўйин ўтказилди. Жумладан, Суперкубокнинг тақдирлаш маросими ҳам айнан шу ерда бўлиб ўтган. Ўшанда нақ 300 киши бевосита майдонда ҳаракатланган. Бу ҳам албатта, қайсидир маънода майсанинг сифатига таъсир этмай қолмайди», дейди Кастелли. - Бир сафар икки кунда иккита ўйин ўтказишга ҳам тўғри келди, икки марта эса - уч кунда иккита ўйин ўтказган пайтларимиз ҳам бўлди.
Ҳар қандай соҳада муаммолар бўлиши аниқ, жумладан биз ҳам бундан четда қолиб кетмаганмиз. Барчамиз ноқулайликларни тўғри тушунамиз ва ҳамма нарсани тузатишга ҳаракат қиламиз. Майса аллақачон ўзгартирила бошланди ва икки ҳафталик пауза юзага келди: «Яхшиямки, об-ҳаво билан ҳеч қандай муаммо бўлмайди: ёмғир ҳам, қор ҳам йўқ. Бунинг хавфи нолга тенг», - дейди у.
Эски қопламани демонтаж қилиш ишлари аллақачон бошланган. Янги майса Веронадан олиб келинади ва эскисини олиб ташлаш биланоқ ётқизилади.
Нега майдон тезроқ алмаштирилмади?
— Бу одатда ёзда содир бўлар эди - кўпроқ вақт талаб этадиган жараён. Аммо бу сафар, Кастеллининг сўзларига кўра, улар тақвим туфайли саналарни кўчиришга қарор қилишган ва ёзда майдонга деярли ўзгартишлар киритилмаган. Ҳозир у бутунлай ўзгарган.
«Хавотир олманг мухлислар, биз майсазорни алмаштиришга тайёрмиз. Майса дербига тайёр бўлади», деб ишонтиради агроном.
