Мадриднинг "Атлетико" клуби футболчилари Маркос Льоренте, Жеффри Кондогбиа ва Антуан Гризманн "Барселона"га қарши ўйинда майдонга тушиши кутилмоқда.
Маълумотларга кўра, футболчилар сўнгги кунлар давомида ўзини анча яхши ҳис қилишган ва яқини кунларда жамоавий машғулотларга қайтишади. "Матрасчилар" бош мураббийи Диего Симеоне агар футболчилар ёрдамига эҳтиёж сезса, "Камп Ноу"да уларнинг ҳизматларидан фойдаланиши мумкин.
Эслатиб ўтамиз, "Барселона" ва "Атлетико" ўртасидаги Ла Лига 23-туридан ўрин олган учрашув 6 февраль куни 20:15 да старт олади.
