Яқинда “Барселона” ҳимоячиси Оскар Мингесага француз клублари қизиқиш билдираётгани хабар қилинганди. Жумладан, футболчини “Бордо” фаол равишда ўз сафига қўшиб олишга ҳаракат қилаётган эди.
Бироқ футболчининг ўзи яқин вақт ичида каталонияликлар сафини тарк этмасликка қарор қилди. Mundo Deportivo нашри хабарига кўра, 22 ёшли футболчи Хави Эрнандес қўл остида асосий таркибдаги ўрин учун курашмоқчи.
Мингесага Лига—1 клубларидан ташқари “Валенсия” ҳам таклиф билан чиққанди.
Маълумот ўрнида, жорий мавсумда ҳимоячи “Барселона” сафида барча мусобақаларда 19 та ўйинда майдонга тушди.
