«Лион» ва Бразилия терма жамоаси ярим ҳимоячиси Лукас Пакета қишки трансферлар ойнаси тугагунига қадар ўз клубини ўзгартириши мумкин. Бироқ, Франция жамоаси раҳбарияти Англия Премьер-лигаси гигантларидан бирининг 60 миллион евролик таклифини рад этиб, етакчини ҳеч бўлмаганда ёзгача сақлаб қолишни мақсад қилган.
Бу ҳақда Canal + телеканали хабар бермоқда. Манбага кўра, «Лион»га айни дамда Англия Премьер-лигаси жадвалининг кучли бешлигидан жой олган клуб мурожаат қилган. Аммо, унинг номи ошкор қилинмаган.
Эътиборлиси, Пакетанинг ўзи ҳам эҳтимолий харидор билан музокарага киришишдан бош тортди. Чунки, у мавсум ўртасида жамоасини тарк этишни истамайди.
