“Манчестер Сити” ҳимоячиси Кайл Уокер ЕЧЛда 3 та ўйинга дисквалификация қилинди, деб хабар беради УЕФА сайти.

У Чемпионлар лигаси гуруҳ босқичи 6-тури доирасидаги "Лейпциг"га қарши ўйинда (1:2) олган қизил карточка учун шундай жазо олди.

Англиялик футболчи 83-дақиқада орқадан зарба бергани учун майдондан четлатилганди.

Шу тариқа, Уокер “Спортинг” билан Чемпионлар лигаси 1/8 финалининг иккала ўйинини ҳам ўтказиб юборади. Шунингдек, агар “Манчестер Сити” Португалия жамоасини мағлуб этса, Уокер турнирнинг чорак финалининг биринчи ўйинини ҳам ўтказиб юборади.