Аргентина терма жамоаси футболчиси Родриго де Пауль Чилидаги меҳмонлар учун яратилган даҳшатли шароит ҳақида фикр билдирди. «Атлетико»нинг ҳужумкор футболчиси Аргентина терма жамоаси том маънода ҳақоратланганини айтиб ўтди.
«Аэропортда узоқ вақт ушлаб туришди, ҳожатхонага қўйишмади. Меҳмонхонадаги хоналарни кўриб 1930 йилларга тушиб қолгандек ҳис қилдик. Кондиционерлар ишламайди. Биз деразаларни очиб юборишга ҳаракат қилдик, лекин кўчадан тинимсиз равишда сиреналар овози эшитилиб турди.
Биз жуда ёмон ухладик, эрталаб уйқудан турганимизда меҳмонхонада сув йўқ эди», – футболчининг сўзларидан иқтибос келтирмоқда Sport1.