Испаниянинг “Валенсия” ва Италиянинг “Рома” клублари ўзаро ўйинчи алмашиши мумкин, деб хабар беради La Gazzetta dello Sport.
Манбага кўра, "кўршапалаклар" ҳужумчиси Гонсало Гедеш Римга, ҳужумчи Карлес Перес эса "Валенсия" сафига қўшилиши мумкин. Римликлар бош мураббийи Жозе Моуринонинг шахсан ўзи португалияликнинг хизматларига қизиқмоқда.
Гедеш 2018 йилдан бери доимий равишда "Валенсия"да ўйнаб келмоқда ва у ерга "ПСЖ"дан 40 миллион евро эвазига ўтган. Футболчининг клуб билан шартномаси 2023 йилнинг 30 июньига қадар амал қилади. Трансфермаркт маълумотларига кўра, футболчининг бозор қиймати 30 миллион еврони ташкил қилади.
Перес 2020 йилдан бери "Рома"да ўйнаб келмоқда, у "Барселона"дан 12,5 миллион евро эвазига ўтган.Ўйинчининг клуб билан амалдаги шартномаси 2024 йилнинг 30 июньида якунига этади. Трансфермаркт испаниялик футболчини 7 миллион еврога баҳоламоқда.
