2021/2022 йилги мавсумда Португалия Лига кубоги финалида “Спортинг” “Бенфика”ни мағлуб этди. Учрашув Лейриа шаҳридаги "Магалаис Пессоа" стадионида бўлиб ўтди ва 2:1 ҳисобида Рубен Аморим жамоаси фойдасига ҳал бўлди.
“Бенфика” вингери “Эвертон” 22-дақиқада Алекс Грималдо томонидан голли узатма билан ҳисобни очди. Иккинчи бўлим бошида “Спортинг” ҳимоячиси Гонкало Инасио гол урди, унга Пабло Сарабия ассист қилди. 78-дақиқада эса Педро Порронинг узатмасидан сўнг Сарабия ўзи гол урди. Бу гол ҳал қилувчи бўлди ва "шерлар"га ғалаба келтирди.
"Спортинг" ўз тарихида тўртинчи бор Лига кубогини қўлга киритди ва ўтган йилги чемпионликни ҳимоя қилди. Турнирдаги ғалабалар сони бўйича пешқадам “Бенфика” (7). Португалия футболининг яна бир гиганти “Порту” ҳеч қачон бу совринни қўлга киритмаган. Португалия лига кубоги 2007/2008 йилги мавсумдан бери ўтказиб келинмоқда.
