"Барселона" сардори Карлес Пуйольнинг фикрича, "Милан"ни тўхтатиб қолиш учун "Барселона" ҳимоячилари Златан Иброҳимовичга қарши жиддий ўйнашлари лозим экан.
"Иброҳимович билан яккакурашга киришиш оғир, унинг техникаси жуда юқори. Биз уни жарима майдончасига яқинлаштирмаслигимиз ва тўп унга етиб келмаслигига ҳаракат қилишимиз керак. Шунингдек, ҳимоя - жамоанинг умумий иши эканлигини эсдан чиқармаслигимиз керак", - дея Пуйольнинг сўзларидан иқтибос келтиради AS.
"Бу - йилнинг энг муҳим ўйини бўлиб қолади. Буни финал деб аташ мумкин, бизнинг хато қилишга ҳаққимиз йўқ", - дея қўшимча қилади "Барса" сардори.
