Янги мавсумга тайёргарликнинг иккинчи босқичини пойтахтимизда ўтказаётган “Металлург” ўз таркибини уч нафар иқтидорли ёшлар билан тўлдирди. Эътиборга молик жиҳати уларнинг барча мамлакат терма жамоасига номзод ўйинчилардир.
Ўзбекистон U-20 терма жамоаси таркибида яқинда йиғинда бўлиб қайтган истеъдодли дарвозабон Ҳумоюн Сайётов билан уч йиллик шартнома имзоланди. Шунингдек, Ўзбекистон U-18 терма жамоаси вакиллари ака ука Алишер ва Равшан Хайруллаевлар ҳам ўз тақдирини Бекободнинг “Металлург” жамоаси билан боғлаганликлари қувонарли ҳол. Бухоро футболи тарбияланувчилари бўлган мазкур футболчилар билан ҳам узоқ йиллик келишувга эришилди.
