Yangi mavsumga tayyorgarlikning ikkinchi bosqichini poytaxtimizda o‘tkazayotgan “Metallurg” o‘z tarkibini uch nafar iqtidorli yoshlar bilan to‘ldirdi. E’tiborga molik jihati ularning barcha mamlakat terma jamoasiga nomzod o‘yinchilardir.
O‘zbekiston U-20 terma jamoasi tarkibida yaqinda yig‘inda bo‘lib qaytgan iste’dodli darvozabon Humoyun Sayyotov bilan uch yillik shartnoma imzolandi. Shuningdek, O‘zbekiston U-18 terma jamoasi vakillari aka uka Alisher va Ravshan Xayrullayevlar ham o‘z taqdirini Bekobodning “Metallurg” jamoasi bilan bog‘laganliklari quvonarli hol. Buxoro futboli tarbiyalanuvchilari bo‘lgan mazkur futbolchilar bilan ham uzoq yillik kelishuvga erishildi.
