"Манчестер Юнайтед" футболчиси Мейсон Гринвуд ҳибсга олингани ҳақида хабар берган эдик. У жинсий зўравонлик ҳамда қасддан тан жароҳати етказиш айблари билан қамоқда сақланмоқда. Бу ҳақида Манчестер полицияси баёнот берди.
Унда шундай дейилади: "Биз 20 ёшли фуқарони зўрлаш ҳамда тан жароҳати етказишда гумонланиб, қўлга олинганини тасдиқлаймиз". Шунингдек, бу борада "МЮ" ҳам ўз муносабатини билдирган:
"Биз ижтимоий тармоқларда айланаётган асоссиз даъво ҳамда расмлардан хабардормиз. Шунга қарамай, айблов тасдиқланмагунга қадар, ҳеч қандай ҳаракат қилмаймиз. "Манчестер Юнайтед" зўравонликнинг ҳеч бир турига бефарқ бўлмайди".
Маълумот ўрнида Гринвуд "МЮ" сафида жами 129та баҳсда иштирок этган ва 35та гол уришга эришган.
