Ҳар доимгидек, "Стадион" газетаси таҳририяти аъзолари ойнинг энг яхши футболчиси ва мураббийини аниқлашда фаол иштирок этишди.

Март ойида миллий чемпионатимиз ва кубок ўйинлари бўлиб ўтди, 4 та жамоамиз халқаро майдонларда ўйнашди. Олимпия миллий терма жамоамиз эса Лондон олимпиадаси саралаш учрашувларида қатнашди. Таҳририят аъзоларида футболчи ва мураббийларни баҳолашда ана шу турнирлардаги иштирокка эътибор қаратишди.

12 нафар журналист иштирок этган сўровда 5 нафардан футболчи ва мураббий номзоди қабул қилинди ва 1-ўринга – 5 очко, 2-ўринга – 4 очко, 3-ўринга – 3 очко, 4-ўринга – 2 очко, 5-ўринга 1 очко берилди. Футболчилар ичида Одил Аҳмедов ва Игорь Таран энг кўп очко жамғарган бўлса, мураббийлар ўртасида Криушенко, Қосимов ва Р.Бердиев деярли тенг очко жамғаришди. Январь ва Февраль ойида яққол биринчи ўринни эгаллаган Вадим Абрамовга ҳеч ким овоз бермагани эътиборга молик. М.Қосимов эса мана қаторасига 3-марта иккинчи ўринда қайд этилмоқда.

МАРТ ОЙИНИНГ ЭНГ ЯХШИ ФУТБОЛЧИСИ ВА МАРУББИЙИ
"СТАДИОН" ГАЗЕТАСИ ВАРИАНТИ

ФУТБОЛЧИЛАР:
1. Одил Аҳмедов ("Анжи") – 45 очко;
2. Игорь Таран ("Шўртан") – 41 очко;
3. Олег Зотеев (Ўзбекистон О.Т.Ж) – 24 очко;
4. Лутфулла Тўраев ("Бунёдкор") – 11 очко;
5. Анзур Исмоилов ("Чангчун Ятай") – 8 очко.

МУРАББИЙЛАР:
1. Игорь Криушенко ("Шўртан") – 48 очко;
2. Миржалол Қосимов ("Бунёдкор") – 47 очко;
3. Рўзиқул Бердиев ("Насаф") – 41 очко;
4. Равшан Ҳайдаров ("Қизилқум") – 21 очко;
5. Юрий Саркисян ("Нефтчи") – 8 очко.

P.S. 1-3 ўринларни эгаллаган номзодлар "Стадион" газетасиномидан ЎФФ томонидан ўтказилаётган сўровнома учун тақдим этилди.