Испаниянинг «Вильярреал» клуби «Тоттенхэм» яримҳимоячиси Жовани Ло Чельсони сотиб олиш борасида музокаралар олиб бормоқда. Аргентиналик футболчига «сариқ сув ости кемаси» бош мураббийи Унаи Эмерининг шахсан ўзи қизиқмоқда. Бу ҳақда журналист Фабрицио Романо твиттер саҳифасида хабар берди.
Манбанинг хабарига кўра, аввалроқ Ло Чельсо Франциянинг «Лион»ига ўтишдан бош тортган. Ҳозирда «Вильярреал» «Тоттенхэм» билан мумкин бўлган келишувнинг тафсилотларини, жумладан, аргентиналик яримҳимоячининг маошини муҳокама қилмоқда. Инглиз клуби Ло Чельсони ижара асосида қўйиб юборишга тайёр.
25 ёшли Ло Чельсо 2019 йил август ойида «Реал Бетис»дан «Тоттенхэм»га ўтган эди. Жорий мавсумда аргентиналик яримҳимоячи барча мусобақаларда 20та ўйинда майдонга тушиб, битта гол урди ва иккита голли узатмани амалга оширди. Ло Чельсонинг шартномаси 2025 йилда якунига етади.