Янги мавсумга Тошкент вилоятининг Аҳмад Яссавий номидаги стадионида тайёргарлик кўраётган “Металлург”нинг бугунги машғулотлари дарвозабон Акмал Ортиқовни таваллуд куни билан қутлашдан бошланди. Шундан сўнг мураббийлар штаби одатдагидек футболчиларнинг жисмоний ҳолатини тиклаш машқларига кўпроқ урғу қаратишди.
Бекободликлар Тошкентда тайёргарликни яна икки кун давом эттиришади. Шундан кейин жамоа аъзолари учинчи босқични ўташ учун хорижга – Туркиянинг Анталия шаҳрига йўл олади. “Металлург” хорижда тўртта назорат учрашувини ўтказишни режалаштирган.
Ҳозирча спарринг рақиблардан иккитаси маълум. Булар Украинанинг “Металлист” ҳамда Арманистоннинг “Алишкерт” жамоаларидир. Яна иккита рақиб билан дастлабки келишув бор, аммо узил кесил бир тўхтамга келинмаган. Шу сабаб қолган учрашувлардаги рақиблар ҳақида кейинроқ қўшимча маълумот берамиз.
Эслатиб ўтамиз, Луисма Эрнандес етакчилигидаги “Металлург” Туркия сафарига 3 февраль санасида учиб кетади.
