L’Equipe нашри хабарига кўра, "Лион" "Арсенал" ҳужумчиси Александр Ляказеттни ортга қайтармоқчи.
Франциялик футболчининг Лондон клуби билан шартномаси жорий мавсум охирида якунига етади. Буни билган "Лион" январь ойида собиқ футболчиси билан музокарага киришди. Бироқ, "Арсенал" бош мураббийи Микель Артета мавсумнинг энг қизғин палласида ҳужумчини қўйиб юбормади.
Ляказетт 2017 йилнинг ёзида 53 миллион евро эвазига “Лион”дан “Арсенал”га ўтган эди. Футболчи жорий мавсум “канонирлар” сафида 22 та ўйинда майдонга тушиб, 5 та гол ва 4 та голли узатмага муаллифлик қилган.
