Англия терма жамоасининг собиқ футболчиси Эшли Коул "Эвертон" бош мураббийи ёрдамчисига айланади. "The Times" хабарига кўра, инглиз клуби 41 ёшли англиялик мутахассисни Фрэнк Лэмпарднинг янги мураббийлар штабига қўшилишига умид қилмоқда.

Маълумот учун, Коул 1998 йилда бошлаган профессионал футболчилик фаолиятини 2019 йил якунланди. Унинг сўнгги клуби "Дерби Каунти" эди.

Коул ҳозирда "Челси" академиясида ишлайди ва Англия ёшлар терма жамоасида Ли Карслининг ёрдамчиси сифатида ҳам ишлайди.

Эслатиб ўтамиз, Коул ва Лэмпард 2006 йилдан 2014 йилгача "Челси"да бирга ўйнашган. “Кўклар” билан Чемпионлар Лигаси, Европа Лигаси ва Премер-лигада ғалаба қозонишди.