Англия Премьер-лигасида кимлар кейинги йилги ЕЧЛ йўлланмасини қўлга киритади? Бу саволга трансферлар мутахассиси Алекс Апати жавоб қилди. У шундай дейди:
"Менимча, "Челси"да бу борада ортиқча муаммо бўлмайди. Лекин қолган учта жамоада ҳали ҳам саволлар бор. Мен бу борада "Арсенал"нинг имкониятларини паст баҳолаган бўлардим. Чунки жамоа ҳеч қандай харидни амалга оширмади. Аксинча, асосий таркиб футболчиларини йўқотиш билан шуғулланди. Шу туфайли улар "Тоттенхэм" ҳамда "МЮ"дан пастроқда мавсумни якунлаши мумкин".
Эслатиб ўтамиз, айни дамда тўртинчи ўринни "МЮ" банд этган. Аммо "қизил иблислар" "Арсенал"дан битта, "Тоттенхэм"дан эса иккита кўп ўйин ўтказган.
